Të premten mbahet takimi i parë për rritjen e pensioneve

Iliria News Agency
Iliria News Agency

17 Shkurt, 2022

Rritja e rrogës minimale dhe rritja e paralajmëruar e pensioneve nuk do të tërheqë ribalanc të Buxhetit, sigurojnë nga Qeveria. Për të premten është paralajmëruar edhe takimi i parë për rritje të pensioneve, ndërsa zgjidhja do të sillet përmes dialogut me të gjitha palët e përfshira.

Zëvendëskryeministri për çështje ekonomike, Fatmir Bytyqi dje në konferencë për shtyp, duke iu përgjigjur pyetjeve të gazetarëve, tha se për rritjen e rrogës minimale e cila duhet të jetë 18.000 denarë janë siguruar mjete nga Buxheti, ndërsa për pensionet ka para në Fondin për sigurim pensional dhe invalidor.

“Edhe për rrogën minimale edhe për pensionet nuk duhet të bëhet ribalanc. Ato tashmë janë planifikuar në Buxhet. Për pensionet, Fondi i sigurimit pensional invalidor të Maqedonisë (FSPIM) ka siguruar mjete për rritje të mundshme. Nuk duhet të shqetësohemi se do të marrim nga diku për t’u dhënë pensionistëve”, tha Bytyqi.

Sipas Bytyqit, raportet financiare të Fondit për sigurim pensional dhe invalidor për vitin e kaluar, si vit i pandemisë dhe krizës ekonomike, tregojnë se ka rritje të konsiderueshme të të ardhurave për shkak të lëvizjes së ekonomisë dhe të rrogave.

Kryeministri Dimitar Kovaçevski paralajmëroi se të premten do të mbahet takimi i parë për mundësinë për ndryshim të metodologjisë për pensionet, e cila do të duhet të mundësojë rritje të qëndrueshme të pensioneve, por edhe se do të bëhen analiza për ndihmë financiare për pensionistët.

Pensionistët kërkojnë rritje të pensioneve duke pasur parasysh rritjen e shpenzimeve për jetë.

Paraprakisht, sindikatat kërkuan rritje të rrogës minimale në 18.000 denarë pas çka filluan negociatat në nivel të Këshillit ekonomik-social dhe u gjet zgjidhje e përbashkët për rritjen e rrogës minimale me subvencionim të kontributeve të dallimit nga 15.200 deri 18.000 denarë. Zgjidhja ligjore për rrogën minimale për momentin është në procedurë kuvendore.

ME TE LEXUARA

LEXO MË SHUMË

rron gjinovci

VIDEO/Gjinovci: Mendësia feudale jo vetëm në Kosovë, paramendoni Ali Ahmeti selinë e ka në një katund në Tetovë

mesiq stipe mesic

Mesiq: Nëse dikush mendon se Kosova mund të kthehet me luftë, ai është një i humbur

policia kosoves

Thirrja e dyshimtë për marshim drejt veriut, Policia – qytetarëve: Mos bini pre

vucic

Momenti kur gazetarja e CNN i drejtohet herë Vuçiqit: A e njihni Kosovën si shtet të pavarur dhe sovran?

stoltenberg nato

Stoltenberg: Dhuna ndaj KFOR-it në Kosovë është krejtësisht e papranueshme

xi-jinping

CNN/Mesazh shqetësues nga presidenti kinez: Përgatituni për skenarin më të keq

Kuvendi

Caktohen vazhdimet e tre seancave plenare

Grubi korridori 8

Fillojnë punët për ndërtimin e Korridorit 8

Polici-a-2-750x430

Aksident i rëndë në rrugën Ohër- Kërçovë, një i vdekur dhe disa të lënduar

INFO

NA NDIQ