A.J., 50-vjeç nga Prilepi, sot, rreth orës 13:50 me armë ka gjuajtur në drejtim të 36-vjeçares, M.Gj. nga Prilepi, punëtore në Qendrën për Punë Sociale në Prilep dhe i ka shkaktuar lëndime trupore, transmeton TV21.
Prokurori përgjegjës ka kryer ekspertizë në vendin e ngjarjes, dhe sipas informacioneve të para, i dyshuari për një kohë të gjatë e ka ngacmuar dhe rrezikuar sigurinë e viktimës për çfarë janë udhëhequr edhe disa procedura penale kundër tij, por ai ka ikur nga institucioni ku po vuante masën për mjekim të detyruar psikiatrik.
Më tej bëhet e ditur se në hapësirat e Qendrës Sociale ai ka gjuajtur me armë zjarri drejt të punësuarit, e cila për momentin është e lënduar dhe në rrezik për jetën.
Ai ka gjuajtur edhe në drejtim të drejtorit të institucionit në fjalë, por ai ka shpëtuar nga plagët.
I dyshuari tashmë është arrestuar, kurse arma dhe gjurmët e tjera janë siguruar dhe po i nënshtrohen ekspertizës.
