Të shtunën, ‘Duvaku’

0

Duvaku’ është shfaqje multidiciplinare e krijuar gjatë kampit veror njëjavor në Asociation “Loyola-Gymnasium” në Petrovë që trajton temën e martesave të hershme të vajzave në Kosovë.

Një grup i të rinjëve të pasionuar për vallëzim sfidohet kur vallëtarja kryesore e tyre, Venera fejohet pa dëshirën e saj, në moshën 15 vjeçare. Shfaqja tregon tendencat e grupit të vallëzimit për ta parandaluar martesën e Venerës, rrjedhimisht humbjen e vallëtares së pazëvendësueshme te grupit.

‘Duvaku’ është realizuar nga nxënësit e Loyola-Gymnasium, Shkolla Fillore Loyola, Loyola-Tranzit, Diakonia Mitrovicë dhe Jonas Foundation në bashkëpunim me autoren e dramës dhe regjisoren Fjolla Hoxha, me koreografi të Laureta Paçarizit dhe Benjamin Ibrahimit, trajneren e aktrimit Shqipe Gashi, kostumografen Megan Fisk, udhëheqësit e orkestrës dhe të korit Berat Tafallari dhe Rrustem Gashi.

Shfaqja është rezultat i punës dyvjeçare të “Loyola-Tranzit”, një projekt që ka për qëllim ndërtimin e urave dhe bashkëpunimin e ngushtë mes të rinjëve Ashkali të lagjes Tranzit and të rinjëve të gjimnazit Loyola.

Premiera shfaqet të shtunën me 14.07.2018 nga ora 20:30 në kinemanë në bahqe në LUMBARDHI, Prizren.

Komentet

komentet