Nëntë aktorë të Teatrit Shqiptar Për Fëmijë dhe të Rinj në Shkup i janë gëzuar festave të fundvitit, pasi që ata janë pajisur me vendime të përhershme pune.
Lajmi është komunikuar nga menaxhmenti por edhe aktorët e këtij teatri.
“U ndanë nëntë vendime pune në kohë të pacaktuar për nëntë aktorë. Blerim Dardhishta, Eldin Shiroki, Dea Pajaziti, Melika Kastrati, Mumin Abdullahi, Ilir Reçi, Flakron Aliu, Gëzim Zherka dhe Beqir Ademi, i gëzofshi që të gjithë ju! Kjo është shumë e rëndesishme për vetë aktorët, poashtu edhe për institucionin tonë, duke ju ofruar siguri dhe stabilitet në vendin e punës!”, thonë nga Teatri Shqiptar për Fëmijë dhe të Rinj në Shkup.(INA)
