Të paktën 237 persona kanë vdekur dhe 639 të tjerë janë lënduar pas një tërmeti të fuqishëm që goditi Turqinë jugore herët të hënën, njoftoi agjencia shtetërore siriane e lajmeve SANA, duke cituar një zyrtar të Ministrisë së Shëndetësisë.
Numri zyrtar i të vdekurve në Turqi dhe Siri tani është më shumë se 300, me afro 2000 të lënduar, shkruajnë mediat e huaja, përcjell Telegrafi.
Ministria siriane e Mbrojtjes ka thënë në një deklaratë se “po mobilizon të gjitha njësitë, formacionet dhe institucionet e saj në të gjitha qeveritë për të ofruar ndihmë të menjëhershme dhe ndihmë urgjente për banorët e prekur nga tërmeti, kërkimin e njerëzve të bllokuar nën rrënoja dhe për të trajtuar të plagosurit”.
A Hospital in the City of Şanlıurfa in Southern Turkey was completely destroyed by the Earthquake, many Patients are feared to still be trapped beneath the rubble with Search and Rescue Operations still ongoing. pic.twitter.com/9PUAnGweGn
— OSINTdefender (@sentdefender) February 6, 2023
Lëkundjet nga tërmeti, një nga më të fuqishmit që kanë goditur rajonin në më shumë se 100 vjet, janë ndjerë deri në Izrael.
