Gjiganti i automjeteve elektrike Tesla mund të jetë tërhequr nga qëllimet ambicioze të shitjeve, të cilat do ta kishin bërë atë prodhuesin më të madh të veturave në botë deri në fund të dekadës.
Që nga viti 2020, CEO i Tesla-s, Elon Musk, ka pohuar se marka synon të shesë 20 milionë automjete në vit deri në vitin 2030.
Kjo do të ishte një arritje e madhe, duke e pasur parasysh se Toyota e cila ka qenë pjesë e industrisë automobilistike për gati 90 vjet, së fundmi ka vendosur një rekord shitjesh globale me mbi 11 milionë automjete të shitura.
Ndërsa Tesla globalisht ka shitur mbi një milion automjete në vitin 2023, më pak se një e pesta e totalit të Toyota-s.
Siç raportohet, objektivi për shitjen e 20 milionë automjeteve nuk përfshihet më në raportin e markës.
Megjithëse nuk ka pasur asnjë arsye zyrtare për largimin e saj, thuhet se Tesla po i drejtohet zhvillimit të robotaksive autonome.
