Tetovari dyshohet për tentativë për vrasje / Viktima nuk pranoi t’i jepte para, më pas u godit me thikë

Iliria News Agency
Iliria News Agency

09/01/2023

Prokuroria Themelore Publike në Tetovë ka lëshuar urdhër për zhvillimin e procedurës hetuese kundër personit 19 vjeçar i cili dyshohet se ka kryer vepër penale – Vrasje nga neni 123 paragrafi 1 lidhur me nenin 19 (në tentativë) të Kodi Penal, përcjell TV21.

Më 7 janar, i dyshuari e ka takuar viktimën në orët e hershme të mëngjesit dhe më pas kanë shkuar në një kazino në fshatin Zhelinë. Në kazino i ka kërkuar viktimës 50 euro të cilat i ka shpenzuar menjëherë. Më pas kanë shkuar në një kazino në fshatin Zherovjanë, ku edhe atje i ka kërkuar dhe i ka marrë viktimës 50 euro. Kur është kthyer i nervozuar në veturë, i dyshuari i ka kërkuar viktimës përsëri para, por ai nuk ka pranuar t’ia japë.

Në atë moment i dyshuari ka nxjerrë një thikë nga xhepi dhe e ka kërcënuar. Viktima sërish ka refuzuar t’i japë paratë dhe i ka thënë të dalë nga automjeti i tij, pas së cilës i dyshuari e ka goditur me thikë disa herë në bark dhe në gjoks. Viktima ka zbritur menjëherë nga vetura dhe ka filluar të vrapojë, ndërsa i dyshuari ka vrapuar pas tij me thikë në dorë. Ai e kapi atë dhe i dha disa goditje të tjera në shpinë dhe në kokë, duke i shkaktuar lëndime të rënda, të rrezikshme për jetën.

Viktima është rrëzuar përtokë dhe i ka dhënë të gjitha paratë që kishte me vete – rreth 300 euro, pas së cilës i dyshuari ka ikur.

Prokurori publik kompetent gjyqtarit të procedurës paraprake nga Gjykata Themelore në Tetovë i ka dorëzuar propozimin për të dyshuarin për caktimin e masës arrest shtëpiak dhe masën e konfiskimit të dokumenteve të udhëtimit dhe të tjera për kalimin e kufirit shtetëror.

TË FUNDIT

ME TE LEXUARA

LEXO MË SHUMË

Donald-Tusk-1-780x470

Kryeministri polak paralajmëron për luftë në Evropë

vlen llogo

VLEN: BDI kërkon ilaç për humbjen zgjedhore në skenarin rus

qeveria

Pas zgjedhjeve, ndryshime kushtetuese, pastaj qeveri! Fituesi i zgjedhjeve kushtëzohet që tani

vmro dpmne

“Maqedonia jote”, Mickoski nënshkroi marrëveshje me partnerët e koalicionit

turqit

Lëvizja e Turqve të Maqedonisë sot edhe zyrtarisht pjesë e “Frontit Europian”

banka-popullore-800x445-780x439-1

Maqedoni: Borxhi i jashtëm neto në fund të vitit 2023 ishte 4,458 milionë euro

Former Vice President Joe Biden speaks at the Chuck Hagel Forum in Global Leadership, on the campus of the University of Nebraska-Omaha, in Omaha, Neb., Thursday, Feb. 28, 2019. (AP Photo/Nati Harnik)

“Vendet arabe gati të njohin Izraelin”, presidenti i SHBA, Joe Biden: Ja si mund të zgjidhet konflikti në Gaza

Arben Taravari VLEN

Taravari thirr aktivistët e ASH-së: Hajdeni në VLEN, mos u bëni patericë e dikujt

grubi gostivar

“Fronti” në Gostivar/ Grubi: Spektakël, i bje pishman nëse s’vjen!

INFO

NA NDIQ