Një i punësuar në një kafene në Tetovë dje rreth orës 19:00 është therë me thikë nga një bashkëqytetar, ndërsa policia për një orë e gjysmë ka arritur ta gjejë dhe arrestojë sulmuesin e dyshuar. Incidenti ka ndodhur në një kafene në rrugën “JNA”.
“Në orën 20 e 30 minuta, nëpunësit e policisë së SPB Tetovë kanë privuar nga liria 24-vjeçarin, i cili rreth orës 19 në një objekt hotelerie në rrugën ‘JNA’ në Tetovë me një objekt të mprehtë i ka shkaktuar lëndime 28 vjeçarit përndryshe i punësuar në një kafene. I lënduari është transferuar në Spitalin Klinik të Tetovës për ofrimin e ndihmës mjekësore”, informon Marjan Josifoski, zëdhënës i SPB Tetovë.
Gjatë kontrollit të kryer nga ekipi i Sektorit për Punë të Brendshme Tetovë që është gjetur edhe objekti për të cilin dyshohet se është përdorë në objektin e hotelerisë.
“Për të arrestuarin pas dokumentimit të plotë të rastit do të përgatitet parashtresë përkatëse me të cilën në procedurë paraprake do të nxirret para gjykatësit në Gjykatën Themelore Tetovë”, informoi zëdhënësi i policisë.
