“Titanik 2”, sot shpallen aktgjykimet për Mijallkovin, Thaçin dhe të tjerët

Iliria News Agency
Iliria News Agency

23/01/2023

Gjykata Themelore Penale – Shkup sot duhet të shpallë aktgjykimin për rastin “Titanik 2”, rast lidhur me parregullsitë zgjedhore për të cilat akuzohen ish-drejtori i DSK-së, Sasho Mijalkov, lideri i PDSH-së, Menduh Thaçi dhe ish-anëtarë të KSHZ-së.

Ky do të jetë aktgjykimi i dytë i shkallës së parë për “Titanik 2”, pasi Gjykata Penale i dënoi të akuzuarit në vitin 2019, por në dhjetor të po atij viti, Gjykata e Apelit, për shkak të shkeljeve thelbësore të procedurës, e anuloi aktgjykimin dhe e ktheu çështjen për rigjykim. Ndryshe, vjetrimi absolut i kësaj vepre ndodh në prill të këtij viti, përcjell INA.

Prokurori Gavril Bubevski në fjalën e tij përfundimtare kërkoi që Mijalkov, Thaçi dhe ish anëtarët e KSHZ-së të shpallen fajtorë në rastin “Titanik 2” dhe secili nga të akuzuarit të përgjigjet sipas shkallës së krimit.

Avokati i Mijallkovit, Mile Petrovski, kërkoi që klienti i tij, si dhe të akuzuarit e tjerë të lirohen nga akuzat. Sipas tij, nuk ka asnjë provë se Mijallkov e ka kryer veprën për të cilën akuzohet, dhe pretendimi se ka përdorur ndikimin e tij është konstruksion, e jo fakt i vërtetuar me prova.

Mbrojtësi i dytë i Mijallkovit, Ljupço Shvrgovski, tha se pret që Bubevski ta tërheqë akuzën, sepse, sipas tij, prokurori nuk duhet ta vërë në dyshim punën e gjyqtarëve.

Ish-anëtarët e KSHZ-së, Bedredin Ibraimi, Sasho Srcev, Vlatko Sajkovski dhe Aneta Stefanovska e kanë mohuar fajësinë për parregullsi zgjedhore deri në vitin 2013. Të gjithë ata në fjalën e tyre përfundimtare theksuan se kanë punuar në mënyrë profesionale dhe të paanshme dhe sipas tyre, prokurori Bubevski nuk ka dëshmuar përtej dyshimit të arsyeshëm se veprën e kanë kryer vërtet.

Sipas aktakuzës, Mijalkov përmes liderit të PDSH-së, Menduh Thaçi, ka urdhëruar anëtarin e tyre në KSHZ, Bedredin Ibraimin, të votojë për anulimin e votimit të rregullt në një vendvotim në Strumicë, në favor të Vasil Pishev nga VMRO-DPMNE, në dëm të kandidatit të atëhershëm për kryetar komune, Zoran Zaev. (INA)

TË FUNDIT

ME TE LEXUARA

LEXO MË SHUMË

Screenshot_2024-04-17-20-37-20-617_com.facebook.katana-edit

Fol: Përleshje fizike në BDI-në e Gostivarit, Nevzati i jep shuplakë Valdetit

pasaporta

Dy muaj pritje për një pasaportë

shkolla shqipe zvicer

Rreth 10 milionë euro të prindërve harxhohen për uniforma, fotografi dhe ushqime

lsm-sindikata780x439-1

LSM: Është e turpshme që në shekullin e 21-të të lutemi për pagë, ditët në vijim do të radikalizojmë protestën

open-balkan

A do të ndodh tërheqja nga Ballkani i Hapur, Osmani e paralajmëron

fatos-rushiti

BDI-së në sfond i buzëqesh opozita

BESIMI

Nënshkruhet Kodi për Zgjedhje Korrekte dhe Demokratike

Screenshot_2024-04-17-17-23-19-952_com.facebook.katana-edit

Glauk Konjucva në kafe me liderët e VLEN-it, në Çarshinë e Shkupit

hoxha555

Shaqiri: Komandat i përgjithshëm i UÇK-së për Maqedoni ka qenë Emrush Xhemajli, jo Ali Ahmeti

INFO

NA NDIQ