Ministri i Punëve të Brendshme në intervistën e tij për Sitel në pyetjen për hetimet që po ndodhin nëpër institucione e që kanë të bëjnë me krime të mëdha tha se hetime ka pasur dhe do të ketë dhe se hetimet po udhëhiqen në mënyrë profesionale.
“Unë nuk mbaj mend në 20 vitet e fundit të histories së Maqedonisë, të përgjigjet një gjykatës i lartë ose anëtar i Këshillit të Prokurorëve Publikë të cilët pranuan fajin”, u shpreh Toshkovski.
Ai theksoi se do të vazhdohet me hetime dhe se pret që të ketë pranim faji nga persona të tjerë.
“E gjithë ajo që është vjedhur nga qytetarët do të kthehet aty ku e ka vendin”, tha Toshkovski.
