Tottenhami mund të bëjë lëvizjen e menjëhershme për zëvendësimin e sulmuesit Harry Kane, nëse kapiteni i Anglisë zyrtarizohet te Bayern Munichu.
Tottenhami do të mundohet t’i sigurojë shërbimet e Romelu Lukakut, që nuk pritet të rikthehet tek Interi, e as të transferohet te Juventusi pasi nuk pëlqehet nga tifozët e “zonjës së vjetër”.
Belgu 30-vjeçar nuk preferon kalimin në Arabinë Saudite dhe dëshiron ta vazhdojë karrierën në Evropë.
Ai në edicionin e kaluar me Interin zhvilloi 37 ndeshje në të gjitha garat.
Pati 14 gola të shënuar e shtatë asistime, ndërsa luajti edhe në finale të Ligës së Kampionëve kur skuadra e tij u mposht nga Manchester City.
U kritikua për numrin e madh të rasteve të shpërdoruara.
