Tragjedia në Greqi/ Nëna shqiptare kërkon mes lotësh të birin

Iliria News Agency
Iliria News Agency

4 Mars, 2023

Pasojat e aksidentit tragjik mbajnë të mbërthyer opinionin publik në Greqi, por jo vetëm.

Në spitalin e Larisës familjarët e viktimave po marrin trupat e të dashurve të tyre në arkivole të mbyllura, ndërsa disa prej trupave të paidentifikuar mbahen në një kamion frigoriferik pasi morgu është i mbushur plot.

Sipas urdhërit të autoriteteve, identifikimi bëhet përmes ADN-së, në mënyrë që të afërmit të identifikojnë njerëzit e tyre që kanë humbur pas aksidentit. Midis prindërve fatkeqë që presin identifikimin e viktimave apo diçka të re për personat që konsiderohen të humbur, janë edhe ata të Denis Rucit, 23-vjeçarit me origjinë shqiptare që ndodhej në vagonin 5 të trenit të vdekjes.

“Nuk kemi asnjë informacion ku gjendet, ishte te një prej vagonave ku u shpëtuan shumë të rinj. Ju lutem të gjithëve, bëj apel ndaj gjithë atyre të rinjve që ndodheshin në këtë vagon nëse e panë, qëndronte në karrigen me numër 22. Nëse dikush do e njohë nga fotografitë ju lutem më njoftoni sepse nuk po e gjej djalin tim. Nuk e di në se ishte ulur në vendin e tij në momentin e përplasjes apo kishte shkuar në vagonin e restorantit”, thotë nëna e 23-vjeçarit, Mirela Ruçi.

Dje në mbrëmje është identifikuar edhe 23-vjeçarja me origjinë shqiptare Ifigjenia Micka. Vazhdojnë të trajtohen në Repartin e Mjekimit Intensiv të intubuar, shtetasi shqiptar Roberto Dristi 25 vjeç që ka thyerje në shumë pjesë të trupit, ndërsa 23-vjeçarja Anisa Liuri ka mbërritur dhe mjekohet në spitalin e traumës Papanikolau në Selanik.

Organet greke deklarojnë se janë identifikuar të paktën 30 viktima, 52 të afërm të pasagjerëve kanë kryer testin e ADN-së, ndërsa 55 teste janë marrë nga trupat pa jetë. Ekipet e shpëtimit kanë mbledhur 18 qese të posaçme me pjesë trupore të viktimave nga të cilat janë marrë edhe 26 teste ADN.

ME TE LEXUARA

LEXO MË SHUMË

kasam

Zvicër: Gazetarit nga Gostivari, Kasam Selimit i digjet tërësisht vetura në autostradë

policia-italiane

Ngjarja e rëndë në Breshia të Italisë, viktima dhe autori nga Lezha

Rrahim musliu

Arrestohet mërgimtari në Serbi vetëm pse mbante flamurin kuq e zi

pasaporta-shqiptare

Pasaporta shqiptare do merret më lehtë, gati ligji i nënshtetësisë

avokatet shqiptaro - kanadez

4 vjet Shoqata e Avokatëve Shqiptaro-Kanadezë

vrasje

E rëndë në Itali/ Vritet me thikë 33-vjeçari shqiptar, arrestohet bashkatdhetari (EMRAT)

shkolla-nxenes-klasa

Nisin aplikimet për certifikimin e mësuesve shqiptarë në Diasporë

Europoli

Europol arreston 33 persona, mes tyre dhe shqiptarë – Sekuestrohen 18.5 milion euro

policia-italiane

Aksident i rëndë në Itali, 37 vjeçarja shqiptare përfundon në spital

INFO

NA NDIQ