Tramp: Navalni ishte guximtar, por nuk duhet të kthehej në Rusi

INA
INA

21/02/2024

Ish-presidenti i SHBA-së, Donald Tramp (o. Trump), tha të martën se opozitari rus Aleksei Navalni (Alexei Navalny) nuk duhet të ishte kthyer në Rusi, ku edhe gjeti vdekjen e papritur pak ditë më parë.

Presidenti amerikan Xho Bajden (o. Joe Biden) dhe udhëheqësit e tjerë perëndimorë kanë fajësuar kryeshtetarin Vladimir Putin për vdekjen e Navalnit, por në një intervistë për “Fox News”, Tramp iu shmang kësaj pyetjeje.

“Ajo e Navalnit është situatë shumë e trishtë dhe ai ishte një djalë shumë i guximshëm, sepse u kthye përsëri [në Rusi]. Ai mund të qëndronte larg. Sinqerisht, ndoshta do të kishte qenë shumë më mirë të qëndronte larg dhe të fliste nga jashtë vendit, pa nevojën për t’u rikthyer, sepse njerëzit e mendonin se mund të ndodhte kjo që ndodhi. Dhe është një gjë e tmerrshme,” tha ish-presidenti republikan.

Kremlini ka mohuar përfshirjen në vdekjen e Navalnit dhe ka thënë që pretendimet e Perëndimit se Putini është përgjegjës janë të papranueshme.

Tramp ka shprehur admirim për presidentin rus gjatë mandatit të tij në Shtëpinë e Bardhë në vitet 2017-2021 dhe më pas – madje e ka krahasuar veten me Navalnin, duke nënkuptuar se të dy ishin përballur me përndjekje penale të motivuara politikisht.

“Po kthehemi në një vend komunist në shumë mënyra. Dhe po ta shihni – unë jam kandidati kryesor. Unë paditem,” u shpreh ish-presidenti Tramp gjatë intervistës. /Reuters

TË FUNDIT

ME TE LEXUARA

LEXO MË SHUMË

UNICEF refugjate

UNICEF përsërit thirrjen për armëpushim pasi numri i fëmijëve të vrarë në Gaza tejkalon 14 mijë

nafta tregjet

Rritet çmimi i naftës menjëherë pas sulmit të Izraelit drejt Iranit

sulmet iriani izrael mbrojtja raketore raketa

CNN: Izraeli e sulmon Iranin

sulmet iriani izrael mbrojtja raketore raketa

Izraeli për çka i shpenzoi 1.5 miliardë dollarë për një natë?

lindja mesme iran irak izrael

Pse Irani sulmoi Izraelin – dhe pse janë armiq?

Antonio Guterres

Sulmet iraniane/ Shefi i OKB-së: As rajoni dhe as bota nuk mund të përballojnë një tjetër luftë

sulmet iriani izrael mbrojtja raketore raketa

Reagimet nga SHBA, Franca, Britania dhe Egjipti

sulmet iriani izrael mbrojtja raketore raketa

Izraeli: Do përgjigjemi ndaj çdo shteti që lejon kalimin e dronëve nga Irani

sulmet iriani izrael mbrojtja raketore raketa

Irani thotë se ka përfunduar me sulmin ndaj Izraelit, i kërkon SHBA-së të “qëndrojë larg”

INFO

NA NDIQ