Trau i hekurudhës në Llopat ende s’është rregulluar! Grubi thotë se ka vepruar, zv/drejtori pret të nxehet moti

Iliria News Agency
Iliria News Agency

01/02/2022

E shtuna që lamë pas ishte dita kur zëvendëskryeministri i parë Artan Grubi, për herë të parë dëgjoi për problematikën e banorëve të fshatit Llopat, atë të mosfunksionimit të traut ndalues në hekurudhën afër fshatit. Me raste aty nuk punon as sinjalizimi.

“Të ju them shumë sinqerisht hera e parë që po lexoj, dëgjoj apo kam parë një gjë të tillë, por ju premtoj se që sot do të merrem me këtë çështje”, tha Grubi.

Banorët e kësaj zone edhe sot deri te TV21 dërguan video ku shihet se asgjë nuk është lëvizur në drejtim të sanimit të problemit.
Ndërkohë TV21 sot pyeti zëvendëskryeministrin e parë Grubin se çfarë ka ndërmarrë konkretisht për të zgjidhur problemin.

“Vepruam menjëherë. Të shtunën në komision ekonomik ndryshuam planin investues për 2022 të hekurudhave duke e plotësuar atë plan me përfshirjen e trarëve në vendet më rrezikshmëri Llopat, Rramanli, Kondovë dhe Rashçe si dhe tjera vende ku nevojitet. Tash ndërmarrja e hekurudhave duhet ta realizon planin”, deklaroi Grubi.

Por nga “Hekurudhat e Maqedonisë- Infrastruktura” thonë se mjetet nuk janë problem për sanimin e defektit sepse nuk ka mungesa të tilla, por problem janë temperaturat e ulëta të cilat po pengojnë që të punohet në riparimin e defektit. Shtojnë se prej kur hekurudha punon me defekt çdo tren merr urdhër që të ndalet, për të siguruar kalesën rrugore dhe pastaj vazhdon me lëvizje.

“Për shkak të temperaturave të ulëta nuk kemi mundur që të mënjanojmë defektin, respektivisht të ndryshohet pjesa e izoluar. Me përmirësimin e kushteve klimatike menjëherë do të bëhet ndërrimi i pjesës së izoluar. Lusim për mirëkuptim për shkak se defektin nuk mund ta riparojmë për shkak se nuk varet prej nesh”, tha Boro Radevski, ndihmës drejtor për pajisje teknike në Hekurudhat e Maqedonisë – Infrastruktura.

Megjithatë edhe pse nga “Hekurudhat e Maqedonisë- Infrastruktura” thonë se presin që të rriten temperaturat për të riparuar defektin, banorët e Llopatit nga Komuna e Kumanovës për këtë problem janë ankuar pothuajse 4 muaj më parë. Rruga që kryqëzohet me hekurudhën lidh qytetin e Kumanovës me fshatrat e Komunës së Likovës.

TË FUNDIT

ME TE LEXUARA

LEXO MË SHUMË

Hovenier Kurti

Dialogu për dinarin, Hovenier vjen me një kërkesë për Qeverinë – ja kë kërkon në takime!

matura-shteterore-provimi

Provimi i maturës shtetërore sivjet më 1 dhe 8 qershor

xhemail jusufi

BDI zgjodhi shefin e shtabit zgjedhor në Tetovë

stevo-pendarovskiii-780x470-1

PRSD mbështet rikandidimin e Pendarovskin për president

moti-1

Moti sot në Maqedoninë e Veriut

Spitali-i-Strugs-600x360-1

Sulmohet motra medicinale në Spitalin e Strugës

aksident kollar

Makina bie në lum në rrugën Kërçovë – Strazhë në afërsi të fshatit Kollare (VIDEO)

arben taravari kumanove

Sot në Gostivar konventa e promovimit të kandidatit presidencial, Arben Taravari

gjermani jeta

Janë dyfishuar çmimet e naftës dhe gazit në Gjermani, gjermanët mezi i’a dalin

INFO

NA NDIQ