Tre markete në Shkup morën gjobë totale prej 12.000 euro nga Inspeksioni i Tregut për kompaninë dhe 3.600 euro gjobë për personin përgjegjës, për shkak të kushtëzimit për blerjen e një produkti.
Këto markete kishin hequr vajin nga raftet, dhe megjithëse ata e kishin në stok, ate e jepnin vetëm nëse blerësit bëjnë faturë 800 denarë, shkruan portali Republika.mk.
Në publik qarkulluan incizime si në marketet e zinxhirit tregtar “KAM”, blerësit sugjerohen që vajin mund ta marrin vetëm falas, me një faturë mbi 800 denarë.
Drejtoresha e inspektoratit të tregut Aneta Simeska – Dimoska tha për NOVA TV se gjobat janë në përputhje me Ligjin për Konsumatorët për kushtëzimin e blerjes së një produkti. “Konsumatorët nuk duhet të kushtëzohen në këtë mënyrë, vetëm artikujt më të vegjël që plotësojnë një produkt të caktuar mund të jepen falas”, tha ajo.
Inspektorët kishin kontrolluar në disa markete të “KAM”, pas raportimeve të konsumatorëve të cilët kanë filmuar edhe nga terreni për përvetësim të artikujve ushqimorë.(INA)
