Tre të vrarë në më pak se një javë nëpër lokale në Kosovë, katër të dyshuar në arrati

INA
INA

10 Gusht, 2023

Që nga 4 gushti 2023, janë shënuar tri raste të vrasjeve të cilat kanë ndodhur në lokale në Prishtinë, Klinë dhe Skenderaj.

Vrasja e parë përgjatë këtyre ditëve ndodhi në lokalin “Bon Vivant” në Prishtinë më 4 gusht, ku përveç vrasjes së një personi, shumë të tjerë mbetën të plagosur nga gërvishtjet e xhamave dhe gjësendeve të tjera aty, raporton “Betimi për Drejtësi“.

Tre të dyshuarve për përfshirje në rastin “Bon Vivant”, Andi Pajaziti, Hisni Gecaj dhe Gëzim Zakuti, Gjykata Themelore në Prishtinë ua ka caktuar masën e paraburgimit në kohëzgjatje prej 30 ditësh (secilit veç e veç). Ndërsa, i dyshuari i katërt për përfshirje në këtë rast, Dukagjin Nikollaj, gjendet në arrati.

Në vendimin e Gjykatës Themelore në Prishtinë për caktimin e masës së paraburgimit ndaj tre të dyshuarve thuhet se ekziston dyshimi i bazuar se pas një përleshjeje fizike në mes të pandehurve Andi Pajaziti dhe Gëzim Zakuti në njërën anë, me të pandehurit Dukagjin Nikollaj dhe tani të ndjerin K.R dhe personit të paidentifikuar deri më tani në anën tjetër, me dashje që ta privojnë nga jeta njëri-tjetrin, fillimisht janë përleshur fizikisht, e më pas janë shkrepur edhe armët, ku si pasojë e ka ndërruar jetë K.R.

Vrasja e dytë ka ndodhur më 7 gusht 2023, në një lokal qytetin e Klinës, ku fillimisht ishte plagosur një person i cili më pas kishte vdekur nga plagët e marra.

Personi i cili dyshohet se e ka kryer veprën penale është Tush Frroku, e i cili është në arrati. Policia e Kosovës ka kërkuar ndihmë edhe nga qytetarët për gjetjen e tij, pasi që është shpallur në kërkim. I dyshuari Frroku, në të kaluarën ka kryer edhe vepra tjera penale.

Përmes një përgjigje dhënë për “Betimi për Drejtësi”, Prokuroria Themelore në Pejë ka njoftuar se Frroku është akuzuar edhe për dy vepra tjera penale dhe se ndaj tij kishte procedurë edhe për veprën penale “Përdorimi i armës apo mjetit të rrezikshëm”.

Në vitin 2012, Prokuroria Themelore e Pejës kishte ngritur aktakuzë ndaj Frrokut për veprën penale “Armëmbajtje paleje”. Po ashtu, ndaj tij ishte ngritur edhe aktakuzë për veprën penale “Vjedhje e shërbimeve”. Kurse, në vitin 2016, sipas Prokurorisë ndaj të dyshuarit Frroku, ka pasur procedurë të zhvilluar për veprën penale “Përdorimi armës apo mjetit të rrezikshëm”.

Vrasja e fundit ndodhi në orët e para të ditës së sotme në një lokal në Runik të Skenderajt, ku mbeti i vrarë një 39-vjeçar, ndërsa tre të tjerë të plagosur. Të plagosurit janë duke u trajtuar në Qendrën Klinike Universitare të Kosovës.

Sipas Policisë, dyshohet se dy persona të maskuar kanë hyrë në lokal, kanë shtënë me armë zjarri, ku mbeti i vdekur një person e u plagosën tre të tjerë.

Të dyshuarit e rastit në Skenderaj, ashtu sikurse të dyshuarit Nikollaj dhe Frroku, gjenden në arrati.

ME TE LEXUARA

LEXO MË SHUMË

kurti me sanxhak dhe lugine

Kurti priti një delegacion të përfaqësuesve politikë të boshnjakëve dhe të shqiptarëve në Serbi

haradinaj-kurti

Haradinaj me akuza të reja: Kurti është shoqëruar me vajzën e ministrit të Millosheviqit

taulant balla

Ligji për shtetësinë, Balla: Qytetarët e Kosovës dhe të Maqedonisë së Veriut të mos testohen

Vucic- Svecla

Vuçiq i përgjigjet Sveçlës: Do ta shohim kush kë do ta arrestojë, qesh mirë kush qesh i fundit

festime-flamuri-kosoves

Presioni i ndërkombëtarëve për themelimin e Asociacionit/ Analistët thonë se insistimi do të vazhdojë deri në themelimin e tij

escobar-kurti

Escobar për Kurtin: E ka marrë dialogun si një opsion “Po-Jo”

escobar eskobar gabriel

Escobar kërkon që Qeveria e Kosovës të ketë një “qasje të re” në dialog

armina nuraj

Reagon përfaqësuesja e shqiptarëve nga Sanxhaku: Nuk jam serbe, pse nuk po ma pranoni diplomën në Kosovë!

vjosa osmani biden

Vjosa Osmani takohet me Bidenin: Aleanca e lirisë, aleanca e përjetshme

INFO

NA NDIQ