Presidenti amerikan, Donald Trump tha sot se planifikon të vendos dy shtylla për flamuj në Shtëpinë e Bardhë. Shtyllat për vendosjen e flamujve do të financohet vet nga i pari i shtetit amerikan.
“Po vendosim një flamur të bukur amerikan, thuajse 30 metra i lartë, nga kjo anë dhe një tjetër nga ana tjetër. Dy flamuj – të klasit të parë”, tha 78-vjeçari për gazetarët, pak pas analizimit të oborrit verior të Shtëpisë së Bardhë.
Presidenti tha se ato do të paguhen “nga Trump” dhe do të arrijnë “për rreth një javë ose më shumë”.
Kujtojmë se kjo nuk është hera e parë që lideri amerikan merr këso lloj vendimesh, gjegjësisht të flamujve gjigant, shkruan cnn.
Në vitin 2006, ai shkeli rregulloret e qytetit të Palm Beach kur vendosi një shtyllë flamuri 80 metra të lartë në territorin e klubit të tij Mar-a-Lago.
Trump e paditi qytetin dhe kërkoi dëmshpërblim prej 10 milionë dollarëve “shkaku i kërkesave të përsëritura që të heqë shtyllën. Më vonë, ai e rriti kërkesën për dëmshpërblim në 25 milionë dollarë.
Qyteti filloi ta gjobiste Trumpin me 1250 dollarë në ditë më 6 janar 2007, për shkeljen e kodit.
Trump dhe qyteti përfundimisht arritën një marrëveshje dhe ai e vendosi një shtyllë flamuri 70 metra të lartë më brenda dhe ra dakord të bënte donacione për grupe bamirësie që lidhen me veteranët ose flamurin e SHBA-së. /Telegrafi/
