Në vazhdën e shumë paralajmërimeve të presidentit amerikan Donald Trump, ka ardhur edhe një paralajmërim tjetër ndaj gjigantit të teknologjisë Apple.
Trump përmes një postimi në plaformën e tij Truth Social, ka kërkuar që prodhimi i iPhone-ve të zhvendoset në SHBA, përndryshe kompania do të përballet me një tarifë prej të paktën 25%.
“Kam informuar Tim Cook të Apple se pres që iPhone-t e tyre që do të shiten në Shtetet e Bashkuara të Amerikës të prodhohen dhe ndërtohen në Shtetet e Bashkuara, jo në Indi apo ndonjë vend tjetër. Nëse nuk është kështu, një tarifë prej të paktën 25% duhet t’u paguhet SHBA-ve nga Apple. Faleminderit për vëmendjen tuaj ndaj kësaj çështjeje!”, ka shkruar Trump.
https://truthsocial.com/@realDonaldTrump/114556874484491575
