Në tubimin e krerëve të grupit të pakënaqur të BDI-së në Manastir u përcoll porosi edhe për tubimin në Çegran të Gostivarit.
Sipas tyre, ky tubim u zhvillua me funksionarë dhe për inat të “grupit të zjarrit”, por jo me qytetarë. Këtë ndër të tjera e theksoi edhe Blerim Bexheti, duke përcjellë porosinë e tij se ata janë me votuesin që ka dhënë verdiktin dhe fuqinë e BDI-së.
“Shkëputja totale e ministrave nga baza partiake, prej qytetarve, nga ata ku u mor vota, erdhi në këtë situatë. Ju ftoj që në këtë betejë të brendshme jo vetëm të na përkrahni, por të jeni aktiv që organizimin më të mirë të shqiptarëve, BDI-në, të gjithë së bashku të kontribojnë që puna dhe vlerat të jenë në rend të parë dhe jo të fshihemi, duhet të jepet llogari”, theksoi Bexheti. (INA)
