Beteja mes fraksioneve në LSDM po nxehet. Prej kohësh është spekuluar se disa krahë të drejtuar nga disa figura të shquara partiake kanë ambiciet e tyre për majat e partisë në pushtet.
Njëri grup është i udhëhequr nga kryeministri Dimitar Kovaçevski, një tjetër prej ish-kryeministrit Zoran Zaev së bashku me Venko Filipçen, i treti Mile Zeçeviqin i mbështetur nga Branko Cërvenkovski dhe i katërti grupi me Oliver Spasovskin, raporton TV Alfa.
Zeçeviqi siç thuhet tashmë e ka fituar një betejë të madhe, atë për postin e drejtorit në Agjencisë së Sigurisë Nacionale (ANB), por edhe dy të tjera edhe më të mëdha janë në zhvillim e sipër. Mund të nënkuptohet shkarkimi i Oliver Spasovskit nga posti ministror në MPB, që sipas spekulimeve është dëshirë e kryeministrit Dimitar Kovaçevski.
Sipas informacioneve jozyrtare, ai ka dashur që shef i ri i policisë të jetë zëvendësministri i financave, Filip Nikolovski.
Në këtë plan kreu i Qeverisë ka edhe mbështetjen e Zeçeviqit, i cili ka dashur ta pastrojë partinë nga të gjitha kuadrot e emëruara nga Zaev.
Ish-kryeministri, nga ana tjetër, donte të bënte grusht shteti për të rrëzuar Kovaçevskin nga kreu i partisë dhe nga posti i kryeministrit, për të cilin ishte i gatshëm të mbështeste zgjedhjet e parakohshme parlamentare. Mirëpo, Zaev të paktën zyrtarisht e mohoi këtë informacion, nuk kishte më ambicie për t’u rikthyer në politikë.(INA)