Ibrahim Kalin, zëdhënësi i presidentit turk Rexhep Tayyip Erdogan dhe këshilltari kryesor i tij për politikën e jashtme, ka paralajmëruar Greqinë për “pasoja serioze” nëse zgjeron ujërat e saj territoriale në 19 kilometra detare rreth Kretës.
Në një intervistë të dhënë për televizionin NTV, të martën vonë, Kalin, ka theksuar se Turqia nuk do të pranojë zgjerimin qoftë edhe me 1 kilometër të Greqisë në detin Jon.
“Turqia nuk do të pranojë asnjë zgjatje, qoftë edhe për një kilometër të vetëm”, ka thënë Kalin, duke shtuar se nëse Greqia vendos të bëjë një lëvizje të tillë, Turqia do të “sigurojë një përgjigje të fuqishme”.
Kalin, megjithatë, nuk ka thënë se një zgjerim i ujërave territoriale do të shihej si një rast që justifikonte veprimet ushtarake të Turqisë.
Komentet e tij u bën jehonë deklaratave të ngjashme të bëra ditët e fundit nga ministrat e Jashtëm dhe të Mbrojtjes të Turqisë.
