Tyson Fury e ka fituar njërin prej meçeve më të vështirë të tij në boksin profesionist.
Boksieri britanik e mposhti me vendim të kontestuar dhe kontrovers të gjyqtarëve kamerunasin Francis Ngannou pas meçit që zgjati 10 runde, por që nuk ishte i vlefshëm për titull të kampionit të botës dhe për asnjë brez.
Ish-kampioni i botës në UFC, i cili s’ka përvojë të mjaftueshme në boks, e bëri një luftë fantastike dhe madje i dha “knock-down” kundërshtarit britanik në rundin e tretë.
