Trajneri argjentinas, Jorge Sampaoli, është zyrtarizuar si trajneri më i ri i Flamengos, ku pason portugezin Vitor Pereira.
Sampaoli do të ketë një kontratë me klubin brazilian deri në 31 dhjetor të vitit 2024. I shkarkuar më 21 mars nga Sevilla vetëm pesë muaj pasi mbërriti, 63-vjeçari gjeti menjëherë punë pas 1 muaji.
Ish-trajneri i Kilit dhe Argjentinës do të ketë në dispozicion një nga klubet më prestigjoze të Amerikës së Jugut, me yje në ekip si Everton, Giorgian de Arrascaeta apo Vidal.
Sampaoli ka pasur tashmë disa eksperienca në futbollin brazilian, kur drejtoi Santosin për një vit dhe Atletico Mineiro gjithashtu për një vit./ h.ll/abcnews.al
