Udhëheqësit fetarë në Maqedoninë së Veriut nënshkruan deklaratë të përbashkët kundër ekstremizmit të dhunshëm dhe përballjen me këtë dukuri, shkruan Alsat.
Sipas tyre, bashkësitë fetare janë ndër aktorët kryesorë në parandalimin e ekstremizmit të dhunshëm, pasi prania dhe aktivitetet e tyre me qytetarët mund të jenë të dobishme. Kryetari i Bashkësisë Fetare Islame, Shaqir Fetahu tha se të gjitha xhamitë në vend janë nën kontroll të BFI-së. Ai komentoi edhe aksionet e fundit të MPB-së kundër ekstremizmit.
“Për paraqitjet e tilla siç thatë në Gostivar dhe në vende tjera, ne nuk kishim dijeni sepse ata nuk ishin as punëtor fetar e as profesional ose punëtor të kualifikuar fetar. Është mirë që shteti i ka vërejtur paraqitjet e tilla dhe sigurisht ka marrë masa. Me ardhjen time në BFI, disa xhami që ishin jashtë BFI-së, janë kthyer në BFI, me vendim dhe nga ai moment veprojnë sipas rregullave të BFI-së dhe nuk kemi asnjë problem në të”, tha Shaqir Fetahu – Kryetar i Bashkësisë Fetare Islame.
Firmosja e deklaratës së përbashkët të liderëve fetarë në vend, kundër ekstremizmit të dhunshëm u organizua nga Qendra për Bashkëpunim Ndërkombëtar dhe Komisioni për marrëdhënie me bashkësitë fetare.
Arsyeja është forcimi i përpjekjejeve për parandalimin dhe luftimin e ekstremizmit të dhunshëm si dhe forcimin e bashkësive festare./ Alsat.mk
