Uji i pijshëm në Shkup është i sigurt dhe cilësor, tregon raporti i fundit javor i laboratorit i NP “ujësjellësi dhe kanalizimi”.
Kontrollet janë kryer nga Sektori për kontroll sanitar në periudhën prej 29 maj deri më 1 qershor 2023 në 147 mostra për analizë fiziko-kimike dhe mostra për analizë mikrobiologjike të ujit të pijshëm nga 39 vende matëse në Qytetin e Shkupit.
“Në pajtim me rezultatet e marra nga hulumtimi, të gjitha mostrat u përgjigjen Rregullores për kërkesa për siguri dhe cilësi të ujit të pijshëm”, thekson NP “Ujësjellësi dhe kanalizimi”.
