Ukraina thotë se trupat e saj kanë rifituar më shumë territor në frontet lindore dhe jugore në kundërsulmin e saj ushtarak kundër forcave ruse.
Zëvendësministrja e Mbrojtjes, Hanna Maliar, tha se forcat e Kievit kishin rimarrë rreth 2 km katrorë tokë javën e kaluar rreth qytetit lindor të shkatërruar të Bakhmut, i cili u pushtua nga trupat ruse në maj pas muajsh luftimesh rraskapitëse, përcjell Telegrafi.
Maliar i tha televizionit ukrainas se forcat ukrainase morën një pjesë të fshatit Opytne në jug të qytetit Avdiivka dhe patën “sukses të pjesshëm” pranë fshatit Novomaiorske në rajonin lindor të Donetskut.
Ajo raportoi gjithashtu “disa suksese” pranë Andriivka dhe Klishchiivka, një fshat në lartësitë në jug të Bakhmut që shihet si kritik për sigurimin e kontrollit të qytetit.
Megjithatë, pretendimet e saj nuk mund të verifikoheshin në mënyrë të pavarur.
