Presidenti i Ukrainës, Volodymyr Zelensky, ka vendosur të zëvendësojë ministrin aktual të Mbrojtjes Oleksiy Reznikov. Në vend të tij emëroi Rustem Umerovin.
“Parlamenti e njeh shumë mirë Umerovin dhe ai nuk ka nevojë për një prezantim të veçantë. Pres që deputetët ta mbështesin kandidaturën e tij”, theksoi Zelenski. Ai dëshiron kandidaturën e tij në postin e të parit të mbrojtjes, pasi që çdo këshillë i ka dalur e saktë në raportet me Rusinë.
Umerov parashikoi gjithashtu skenarin sipas të cilit rusët do të bëjnë luftë: sulmi do të fillojë nga veriu, përtej kufirit Bjellorusi, nga bastionet ruse në lindje të Ukrainës dhe nga jugu, ku ndodhet gadishulli i Krimesë, të cilin Kremlini aneksoi ilegalisht në vitin 2014.
Rezulton se ai është njeriu më i afërt për të njohur strategjinë dhe taktikat ruse të luftës.
Kush është tatari musliman nga Krimea?
Umerov ka lindur më 19 prill 1982 në Samarkand, në territorin e Uzbekistanit të sotëm.
Familja e tij është me origjinë nga Alushta e Krimesë dhe nga kombësia janë tatarë të Krimesë, myslimanë.
Në vitin 1944, familja e tij u dëbua nga autoritetet sovjetike nga Krimea në Uzbekistan. Në vitin 2015, parlamenti ukrainas e shpalli atë akt si gjenocid kundër tatarëve të Krimesë.
Rustem Umerov ka një diplomë master në ekonomi dhe financë nga Akademia Kombëtare e Menaxhimit në Kiev.
Ai u zgjodh deputet në korrik 2019 para partisë Holos.
Ai mori pjesë në hartimin e rreth 100 ligjeve dhe krijoi deklaratën e parlamentit ukrainas mbi paligjshmërinë e aneksimit rus të Krimesë.
Ai ishte gjithashtu i pranishëm në negociatat e paqes midis Rusisë dhe Ukrainës që në fillim të luftës, në mars 2022.
Sipas faqes së internetit Meduza, Kremlini akuzoi Umerov për spiunazh për SHBA-në dhe vonimin me qëllim të negociatave në favor të Ukrainës.
Pak më vonë, më 28 mars, u raportua se Umerov, Roman Abramovich dhe një deputet tjetër kishin simptoma që të kujtonin helmimin pas pjesëmarrjes në negociata.
Tre negociatorët fluturuan në Stamboll për të marrë kujdesin mjekësor, dhe Umerov më vonë postoi në Facebook se ishte mirë dhe u kërkoi njerëzve të “mos besonin në informacione të paverifikuara”.
