Manchester Unitedi e ka shënuar fitoren e parë këtë edicion në Ligën e Evropës. Unitedi shënoi fitore bindëse të enjten ndaj PAOK-ut me rezultatin 2:0.
Kjo ndeshje i takoi xhiros së katërt të Ligës së Evropës.
Të dy golat e Unitedit i realizoi Amad Diallo në minutën e 50-të dhe 77-të. Unitedi ka edhe tri barazime. Renditet në pozitën e 15-të.
PAOK-u ka tri humbje dhe një barazim. Është në vendin e 33-të me një pikë.
Unitedi ndeshjen e radhës në “Europa League”, e ka më 28 nëntor ndaj Bodo/Glimtit.
Më 28 nëntor luan edhe PAOK-u ndaj RFS-ës.
