Valoni kërkon trajtim terapeutik, vetëm për të shmangur dëbimin nga Zvicra

Picture of Iliria News Agency
Iliria News Agency

11/02/2022

Gjykata e Lartë e Solothurnit duhet të vendosë nëse një shkelës i ligjit mund të qëndrojë në Zvicër pavarësisht shkeljeve “të katalogut” dhe të marrë trajtim terapeutik

Në shumicën e rasteve, shkelësit i rezistojnë me forcë masave terapeutike por jo edhe 25-vjeçari kosovar Valon R. (emri i ndryshuar), i cili po gjykohet në Gjykatën Supreme së bashku me bashkëpunëtorin e tij dhe bashkatdhetarin Blerim F., gjashtë vjet më i madh se ai në moshë.

Të pandehurit janë akuzuar për 71 vepra penale, të kryera nga viti 2016 deri në vitin 2020, si grabitje, vjedhje, rrezikim jete, vjedhje, shtrëngim, kanosje, shkelje të ligjit për armëmbajtje pastaj për delikte droge, drejtimin e një makine pavarësisht heqjes së lejes, transmeton albinfo.ch. Të gjitha këto kanë ndodhur në zonën e Oltenit, në dyqane, bodrume dhe apartamente të huaja, në rrugë, në klubin e futbollit, në shtëpitë e të moshuarve dhe në spital.

Zakonisht bëhet fjalë për shuma të vogla parash.

Dënimi është i diskutueshëm

Gjykata e Qarkut Olten-Gösgen i kishte dënuar ata për këto delikte, më 9 nëntor 2020. Por për shkaqe të ndryshme, 2 akuza kanë qenë ende të debatueshme nga ana e Valonit dhe 5 nga ana e Blerimit, shkruan gazeta Solothurner Zeitung”.

Të dy ishin shprehur të pakënaqur me dënimet – Valoni 37.5 muaj burg dhe Blerimi 15 muaj.

Po kështu ata kanë kundërshtuar vendimin për dëbim nga Zvicra: njëri për 5 dhe tjetri, për 8 vite. Ndërsa e habitshmja është me këtë rast kjo: Valonit nuk i ishte shqiptuar masa terapeutike, por ai e kërkon atë. Për këtë arsye, ata kishin bërë ankesë, ashtu sikurse edhe prokuroria publike, e cila nga ana e saj kërkon një dënim më të lartë (5 vjet) dhe një dëbim më të gjatë nga vendi (7 vjet) për Valonin.

Valoni është prezantuar si një “delikuent model” të cilit i pëlqen të punojë me veten, transmeton albinfo.ch. Me një kostum gri të çelur dhe me një këmishë të bardhë, i riu i lindur në Zvicër raportoi në dialekt me theks ballkanik rreth asaj se si pas mbarimit të një dënimi për të rinjtë me terapi kishte pasur probleme jashtë burgut, duke qenë pa ndonjë kualifikim profesional, përcjell albinfo.ch. Kështu, ai kishte rrëshqitur në skenën e drogës.

Gjykata e habitur me raportin rreth sjelljes së mirë të tij

Një raport nga burgu i tij aktual konfirmon sjelljen e tij të mirë. Kryegjyqtari madje ka shprehur habinë e tij sepse kjo ishte në kontrast me raportin mjeko-psikiatrik të marrë më heret. Sipas këtij të fundit, Valoni ka një çrregullim të personalitetit disocial që është i vështirë për t’u trajtuar. Nëse ai ka edhe skizofreni paranojake, siç pretendon Valoni, nuk është e sigurt. Dhe varësia ndaj drogës nuk është shumë e theksuar.

Sëmundjet e fundit nuk janë vendimtare për kryerjen e veprave penale, ka shpjeguar psikiatri në gjykatë. Pra, ai nuk kishte përgjegjësi të reduktuar. Nëse Valoni mbikëqyret nga afër dhe ka struktura të qarta, të qeta dhe merr mjekim, ai mund të përparojë, transmeton albinfo.ch. Ndryshe nga raporti i tij me shkrim, eksperti ka gritur gjithashtu mundësinë e terapisë ambulatore.

Prokurori: Në burg dhe më pas në Kosovë

Prokurori Christoph Baumgartner ka këmbëngulur se Valoni ishte një “delikuent i përhershëm” (i papërmirësueshëm). Në ndryshim nga gjykata më e ulët, ai ka zbuluar se i akuzuari kishte përdorur thikën në një mënyrë të rrezikshme për jetën gjatë një grabitjeje.

Pastaj, sipas tij, ai nuk është i integruar. Këtë, prokurori e “ilustron” me faktin se i akuzuari ka në trup një tatuazh me flamurin e Kosovës, shkruan albinfo.ch. Për këtë arsye ai, pas burgimit, fare lehtë mund të rifillonte sërish jetën në Kosovë.

Ndërsa avokati kërkon maksimum 8 muaj burg për klientin e tij, Blerimin dhe heqje dorë nga dëbimi nga Zvicra.

TË FUNDIT
4 orë
Konsullata e Kosovës në Nju Jork, shënoi 25-vjetorin e Çlirimit të Kosovës
4 orë
Kosova me 10 medalje në finalen e NEO - shkencës në New Jersey, këta janë fëmijët heronjë
8 orë
“8 milionë euro i kam për shpenzime personale”/ Gazetari i njohur tregon rastin e një shqiptari që kishte habitur policinë në Dubai
2 ditë
Gjermania ndahet sërish: Harta elektorale tregoi ndarje të thella
2 ditë
FOTO/Detaje nga gjykimi për vrasjen e ekonomistes nga Kosova në Zvicër, nëna e saj gati sa nuk rrëzohet

ME TE LEXUARA

4 orë
Kosova me 10 medalje në finalen e NEO - shkencës në New Jersey, këta janë fëmijët heronjë
4 orë
Konsullata e Kosovës në Nju Jork, shënoi 25-vjetorin e Çlirimit të Kosovës
8 orë
“8 milionë euro i kam për shpenzime personale”/ Gazetari i njohur tregon rastin e një shqiptari që kishte habitur policinë në Dubai

LEXO MË SHUMË

IMG_2979

Konsullata e Kosovës në Nju Jork, shënoi 25-vjetorin e Çlirimit të Kosovës

IMG_2986

Kosova me 10 medalje në finalen e NEO – shkencës në New Jersey, këta janë fëmijët heronjë

Dubai Police Patrol, Dubai, UAE.

“8 milionë euro i kam për shpenzime personale”/ Gazetari i njohur tregon rastin e një shqiptari që kishte habitur policinë në Dubai

gjermania-780x470

Gjermania ndahet sërish: Harta elektorale tregoi ndarje të thella

drejtesi gjyq

FOTO/Detaje nga gjykimi për vrasjen e ekonomistes nga Kosova në Zvicër, nëna e saj gati sa nuk rrëzohet

euroo

Si janë pensionet në Gjermani, sa dhe ku duhet të punoni për një pension të mirë?

Screenshot_2024-06-11-22-02-33-046_com.facebook.katana-edit

Shqiptarja Sabrina Vela nxënësja më e mirë (Valedictorian) në shkollë të mesme, Staten Island

Aeroporti-i-Shkupit-780x439-1-750x430-1

Paralajmërohet ndërprerje e linjës ajrore Shkup-Gjenevë nga 1 nëntori

Muharrem Salihu

Salihu nuk arriti votat për eurodeputet: Nuk i’a dolëm, por rrugëtimi ynë vazhdon

INFO

NA NDIQ