Deputetët sot nga ora 11:00 duhet të rifillojnë seancën e 104-të, ku për të katërtën ditë do të debatohet për shkarkimin e tre ministrave nga Alternativa.
Me rikonstruimin e Qeverisë, partia Aleanca për Shqiptarët bëhet pjesë e koalicioit qeveritar.
Sipas propozimit të Qeverisë, shkarkohen ministrat e Alternativës – Bekim Sali për Shëndetësinë, Admirim Aliti për shoqërinë informative dhe administratën dhe Xhemail Çupi, ministër pa portofol përgjegjës për diasporën.
Për ministra të rinj, kryeministri propozoi Krenar Llogën për drejtësi, Fatmir Mexhitin për shëndetësi, Azir Aliu për shoqëri informative dhe administratë, si dhe Kaja Shukova nga LSDM për mjedis dhe planifikim hapësinor.
Në seancën e kaluar Kuvendi konstatoi dorëheqjet e ministrave të Drejtësisë dhe Mjedisit dhe Planifikimit Hapësinor, Nikola Tupançevski dhe Naser Nuredini, si dhe zëvendësministrave të Drejtësisë dhe Shëndetësisë, Agim Nuhiu dhe Vladimir Rendevski.(INA)
