Me leximin e dëshmive me shkrim nga ana e mbrojtjes, sot vazhdoi procesi i përsëritur gjyqësor për të pandehurit Florin Besimi dhe Artan Etemi dhe ISHP Spitali klinik në Tetovë, si person juridik, të cilët akuzohen për veprën penale “vepra të rënda kundër sigurisë së përgjithshme”, në lidhje me zjarrin e 8 shtatorit të vitit 2021 shpërtehu në spitalin modular në Tetovë, m ç’rast i kanë humbur jetët 14 persona.
Pasi që mbrojtja i lexoi dëshmitë me shkrim, të cilat ata i dorëzojnë, nga ana e Prokurorëve është kërkuar, për shkak të efikasittit të procedurës, në vend që të ftohen dëshmitarët e tyre dhe të merren sërish në pyetje, të kryhet lexim i dëshmive, të cilat ata i kanë dhënë në gjykimin e parë.
Pas pushimit prej gjysmë ore, që të mund të konsultohet për këtë proces, mbrojtja e pranoi këtë propozim. Në pjesën e dëshmitarëve të propozuar nga ana e mbrojtjes, avokati i të pandehurit të parë Florin Besimi, propozoi tre dëshmitarë, të cilët kërkoi që të merren në pyetje në seancën e ardhshme.
Edhe pse në fillim të gjykimit, gjyqtari Rexhep Musa i paralajmëroi të pranishmit që të sillen mirë dhe të mos e pengojnë gjykimin, ndërsa avokati i Spitalit klinik të Tetovës po lexonte listën e personave që kanë marrë ndihmë materiale, një i afërm i personit që ka humbur jetën nga zjarri në spitalin modular ka reaguar me zë të lartë se pse janë paraqitur të dhëna të tilla dhe s ekjo nuk është etike ndaj viktimave të zjarrit. Avokati këtë reagim e ka vlerësuar si kërcënim ndaj tij, por gjyqtari Musa nuk e ka vlerësuar si të tillë këtë shpërthim, pas së cilës ka vazhduar gjykimi.
Seanca e ardhshme është caktuar për më 22 prill në ora 9:30, ku do të lexohen deklaratat e dëshmitarëve nga Prokuroria dhe do të merren në pyetje tre dëshmitarët e propozuar nga mbrojtja.
