Vetëm 43 mijë fëmijë lindën në Shqipëri në vitin 2021, Rama premton bonuse për nënat që lindin

Me anë të një postimi në rrjetet sociale, kryeministri i Shqipërisë, Edi Rama ka theksuar se qeveria do të garantojë bonusin për bebet edhe përgjatë këtij viti.

Rama ka shkruar se gjatë vitit 2021, kanë lindur 43.581 fëmijë.

Postimi i plotë i tij:

43,581 fëmijë të lindur gjatë vitit që sapo lamë pas, bashkë me mbarësinë dhe gëzimin e papërshkrueshëm, kanë sjellë për familjet e tyre edhe bonusin e bebes.

115,764 fëmijë të lindur nga Janari 2019 kanë përfituar nga mbështetja direkte e programit të mbrojtjes sociale për të porsalindurit.
Edhe këtë vit, garantojmë bonusin për çdo fëmijë që vjen në jetë, në Shqipëri apo jashtë, që regjistrohet në vendin amë.
40,000 lek për fëmijën e parë;
80,000 lek për fëmijën e dytë;
120,000 lek për fëmijën e tretë e më tej.