Vetëm një e pesta e qytetarëve të Maqedonisë presin që viti 2024 të jetë më i mirë

INA
INA

29/12/2023

Në prag të vitit 2024, pritshmëritë e publikut për të ardhmen në mbarë botën janë jashtëzakonisht të ndryshme dhe bota duket shumë më pak e bashkuar se në vitet e mëparshme. Pesimizmi mbizotëron, prosperiteti ekonomik duket se po zhduket dhe frika nga përdorimi i armëve bërthamore është në një nivel të paprecedentë.

Vetëm 20% e qytetarëve në Maqedoni presin që viti 2024 të jetë më i mirë se viti që po kalon. 34% mendojnë se do të jetë më keq, dhe 40% mendojnë se do të jetë e njëjta gjë. Këtë e tregon anketa tradicionale globale e “Gallup International” “Fundi i Vitit”, e cila është realizuar në Maqedoni nga Gallup, në periudhën nga 1 deri më 22 dhjetor, mes 1.203 të anketuarve.

Në rajon, Kosova (68%) dhe Shqipëria (57%) janë shprehur me përgjigje “pozitive” të të anketuarve, pra ata që besojnë se viti 2024 do të jetë “më i mirë” se 2023. Ngjashëm me Maqedoninë (20%) janë përgjigjur edhe të anketuarit në Serbi (19%) dhe Bullgari (18%) të cilët tregojnë një shkallë të lartë pesimizmi për vitin e ardhshëm.Të pyetur nëse viti i ardhshëm do të jetë vit i lulëzimit ekonomik, i vështirësive ekonomike apo do të mbetet i njëjtë, të anketuarit në RMV shprehen pesimistë. Prej tyre 17% besojnë se viti 2024 do të jetë një vit i prosperitetit ekonomik dhe 42% thonë se do të jetë një vit i vështirë ekonomikisht.

Në pyetjen “Sipas mendimit tuaj, cili është rreziku i përdorimit të armëve bërthamore në ditët e sotme – pa rrezik, rrezik i moderuar apo i lartë?”, Maqedonia e Veriut nuk devijon shumë nga mesatarja botërore, pra 11% (mesatarja botërore është 14%) mendojnë se situata është “pa rrezik”, 37% (mesatarja botërore është 37%) se është “rrezik i moderuar”, 44% (mesatarja botërore është 40%) konsiderojnë se ekziston një “rrezik i lartë” i përdorimi i armëve bërthamore, dhe 7% janë pa përgjigje.

Në këtë sondazh global, të anketuarit u pyetën gjithashtu “A prisni që viti i ardhshëm 2024 të jetë më paqësor, më i trazuar apo i njëjtë për botën?”. Në Maqedoninë e Veriut, në lidhje me këtë pyetje, 18% besojnë se viti i ardhshëm do të jetë më paqësor se 2023 (mesatarja botërore është 26%), 34% se do të jetë “më i trazuar” (mesatarja botërore është 39%) dhe 41% se do të jetë e njëjtë (mesatarja botërore është 29%).

Sondazhi “Fundi i Vitit” i Gallup International është një traditë që nga viti 1977 dhe kryhet çdo vit. Në sondazhin tradicional global të fundvitit të Gallup International, u intervistuan rreth 41,000 njerëz në 41 vende. Marzhi i gabimit për anketën është midis +3-5% në nivelin 95% të besueshmërisë.

TË FUNDIT

ME TE LEXUARA

LEXO MË SHUMË

Bujar Osmani

Osmani: Nëse një muaj nuk marr rrogë, duhet të marr borxh që të mbijetoj

Jovan mitreski

Mitreski: Marrëveshjet ndërkombëtare s’mund të ndryshohen me ligj tjetër

osmani taravari

Sondazh: Arben Taravari apo Bujar Osmani, kush do të merr mbështetjen e shqiptarëve më 24 prill?

Bilall Kasami

Kasami: Rikonstruimi stadiumit do të fillojë në muajin mars

policia-1-1-1392x766

Humbet ky papagall në Shkup, kush e gjen merr shpërblim prej 1000 euro

Bujar-Osmani2-1-650x400-1

BDI: Bujar Osmani është kandidati i parë i konfirmuar për President të shtetit

vmro

OBRM-PDUKM: Spasovski dhe Kovaçevski, Maqedoninë e kanë shndërruar në Kolumbi

zjarr cair

Dalin pamje nga zjarri në kafenenë “Baron” në Çair të Shkupit

Bojmacaliev

Bojmacaliev: Me letërnjoftim e vjetër do të mund të udhëtohet edhe në Bosnje e Hercegovinë

INFO

NA NDIQ