Vetoja bullgare mban pezull integrimin evropian të Maqedonisë së Veriut

Picture of Iliria News Agency
Iliria News Agency

05/01/2022

Maqedonia e Veriut dhe Bullgaria mund të arrijnë marrëveshje për kapërcimin e dallimeve që po e mbajnë të bllokuar procesin e integrimit evropian të Maqedonisë së Veriut, thonë njohësit e çështjeve ndërkombëtare, Muhamed Halili dhe Vasko Naumovski.

Pritjet e tyre pozitive ata i bazojnë në agjendën e Qeverisë së re bullgare, që përskaj aspekteve historike, dy vendet të bisedojnë edhe për bashkëpunimin ekonomik, infrastrukturën, kulturën, shëndetësinë dhe çështje të tjera që janë në interes të përbashkët.

Kryeministri bullgar, Kiril Petkov, ka thënë se për këto çështje duhet të formohen grupe pune dhe rezultatet e para të shihen brenda gjashtë muajve.

Puna e tyre pritet të nisë pas formimit të Qeverisë së re të Maqedonisë së Veriut, me të cilën do të udhëheqë Dimitar Kovaçevski.

Muhamed Halili, ish-diplomat dhe kryetar i Këshillit të Ambasadorëve, thotë për Radion Evropa e Lirë, se zgjidhja e kontestit mes dy vendeve varet edhe nga rrethana tjera, përfshirë edhe zgjedhjet në Francë, vend i cili do të kryesojë me Bashkimin Evropian, në gjashtë muajt e parë të vitit 2022.

Ai mendon se për shkak të ndjeshmërisë së zgjerimit të BE-së, që ekziston në Francë, zyrtarët e atjeshme nuk do të nguten që problemin ndërmjet Sofjes dhe Shkupit ta zgjidhin para zgjedhjeve presidenciale në Francë.

“Unë konsideroj se është e vështirë të saktësohet nëse do të ketë zgjidhje për një periudhë prej gjashtë muajve pasi gjatë kësaj kohe mund të ndodhin shumë gjëra, të pritura apo të papritura. Megjithatë, vlerësoj se Maqedonia e Veriut ka gjasa që konferencën e parë ndërqeveritare me BE-në, ta mbajë diku nga fundi i muajit maj, atëherë kur do të mbarojë fushata parazgjedhore në Francë. Besoj se atëherë do të ketë një zgjidhje të përkohshme për vendin”, thotë Halili.

Bullgaria në vitin 2019 ka bllokuar procesin e integrimit evropian të Maqedonisë së Veriut duke e kushtëzuar konferencën e parë ndërqeveritare me zgjidhjen e dallimeve lidhur me gjuhën, identitetin maqedonas dhe të kaluarën historike.

Sofja kërkon nga Maqedonia e Veriut të njohë rrënjët bullgare në gjuhën dhe identitetin maqedonas.

Por, Vasko Naumovski, ish-zëvendëskryeministër për çështje evropiane, thotë për Radion Evropa e Lirë, se plani i ri i Qeverisë bullgare jep shpresa për lëvizje pozitive që mund të çojnë në një marrëveshje ndërmjet të dyja vendeve.

“Fushat që po përmenden ndoshta mund të çojnë në përafrimin e dy shteteve dhe dy popujve, nëse kjo bëhet në një frymë konstruktive pasi vendosja e komunikimit akademik, kulturor, në infrastrukturë, ekonomi e kështu me radhë, mund të thellojë bashkëpunimin mes dy vendeve, pasi më parë palët më shumë ishin të fokusuar në aspektet historike. Besoj se qasja e re e Qeverisë bullgare do të jetë ndryshe nga ai i Qeverisë së kaluar”.

“Ndoshta gjashtë muaj janë shumë, por nëse ka një frymë pozitive besoj se mund të kemi rezultate edhe më herët. Gjërat nuk ndryshojnë brenda natës dhe mendoj se edhe kryeministrit bullgar do t’i duhet kohë për të bindur opinionin e atjeshëm se gjërat po ndryshojnë dhe se ka rezultate konkrete mes dy shteteve”, thotë Naumovski./REL

TË FUNDIT
38 minuta
Rrufeja godet aeroplanin Cyrih-Shkup
45 minuta
Analisti kosovar i'a përplas në fytyrë Haradinajt: Edhe baballarët e gjyshërit tanë sikur Kurti ishin në burgjet serbe, a me thënë të gjithë janë rekrutu?!
51 minuta
28 baza ushtarake e 20 të xhandarmërisë serbe, jo shumë larg kufirit me Kosovën, ja kush alarmon
54 minuta
Serbia ka blerë vota për të votuar kundër Rezolutës për Srebrenicës
2 orë
LSDM më 30 qershor do të zgjedh kryetarin e ri

ME TE LEXUARA

10 orë
Fillon ndërtimi i objektit të ri për gjimnazin “Sami Frashëri” në Kumanovë
6 orë
Qeveria e re drejt formimit, ja detajet
13 orë
Në Beograd vritet vëllau i ministrit të Bosnjë dhe Hercegovinës (FOTO)
2 orë
LSDM më 30 qershor do të zgjedh kryetarin e ri
10 orë
Heqja e 20%-shit që i referohet gjuhës shqipe, Sejdiu nga VLEN: Nuk kemi arritur ende të hapim këtë temë

LEXO MË SHUMË

mjegull-aeroport aeroplan avion

Rrufeja godet aeroplanin Cyrih-Shkup

raci haradinaj

Analisti kosovar i’a përplas në fytyrë Haradinajt: Edhe baballarët e gjyshërit tanë sikur Kurti ishin në burgjet serbe, a me thënë të gjithë janë rekrutu?!

kufiri ushtria serbe

28 baza ushtarake e 20 të xhandarmërisë serbe, jo shumë larg kufirit me Kosovën, ja kush alarmon

vucic okb

Serbia ka blerë vota për të votuar kundër Rezolutës për Srebrenicës

LSDM SDSM

LSDM më 30 qershor do të zgjedh kryetarin e ri

zeqirija ibrahimi zeka

Ibrahimi: BDI të shkojë në opozitë, të mendojë dhe të reflektojë

hisen berisha

Deputeti Hisen Berisha prish aleancat serbo-arabe dhe rikthen Kosovën në qendër të vëmendjes

lsdm koalicioni

Seancë e Bordit Ekzekutiv të LSDM-së për zgjedhjet e parakohshme brenda partisë për kryesinë e re

Gordana Siljanovska Davkova

Siljanovska: E respektoj Marrëveshjen e Prespës, deklaratën e kam nënshkruar me emrin aktual kushtetues

INFO

NA NDIQ