Aktori i njohur grek me origjinë shqiptare, Aris Tsapis, ka publikuar së fundmi një video në TikTok për të reaguar ndaj një komenti bullizues mbi origjinën e tij.
Në këtë koment, një ndjekës e kritikon atë për një gabim në fjalorin e tij, duke pyetur: “Kështu e thua në Shqipëri?”
Tsapis ka reaguar në një video ku thotë: “Nuk e di kush fshihet pas këtij profili, por në foton e profilit është një vajzë shumë e vogël. Shpresoj që kjo vogëlushja nuk është ajo që i shkruan këto komente. Nëse është ndonjë person më i rritur, ndonjë prind i saj, është më mirë të bëni kujdes me komentet që shkruani dhe të mos i lëshoni këto komente në emër të fëmijës tuaj. Nëse është kjo vogëlushja… natën e mirë.”
Aris Tsapis, i njohur për rolin e tij si Thanasis në serialin “Të lumtur së bashku”, është martuar një vit më parë me Irini Xpynito.
