Përleshja me armë zjarri mbrëmë para iftarit nuk ka qenë për shkak të radhës së madhe për bukë. Kështu thonë të punësuarit e furrës për Klan M.
Edhe pse shumica e mediave raportuan se përleshja është bërë për shkak të mosrespektimit të pritjes së radhës. E këtë e përgënjeshtrojnë të punësuarit e furrës.
“Jo nuk ka ndodhur këtu, por ma poshtë”, thotë punonjësi i furrës.
Takuam edhe qytetarë të cilët me vite blejnë këtu bukë. Ata thonë që Ramazani është muaj i shenjtë dhe përleshjet nuk kanë vend.
Se ka pasur përleshje me armë zjarri ka konfirmuar edhe MPB duke mos potencuar shkaqet e përleshjes.
“Në afërsi të poliklinikës në Bit Pazar të Shkupit ka ndodhur një konfrontim fizik. Në spitalin Shën Naumi i Ohrit janë dërguar për ndihmë mjekësore A. B. 20 vjeçar me lëndime në dorën e djathtë nga arma, si dhe A.B 23 vjeçar me lëndime nga sende të forta dhe një i mitur 17 vjeçar me lëndime nga sulmi fizik”, thonë nga MPB, duke shtuar se po hetohet rasti. /KlanMaqedoni
