Skuadra e Majorkës ka arritur një rezultat madhështor, teksa në stadiumin “Mallorca Son Moix” ka “frenuar” “katalanasit” e Barcelona-s, në barazimin spektakolar 2-2.
Pjesa e parë foli totalisht për vendasit me “bomberin” kosovar, Vedat Muriqi që arriti të shënojë golin e parë të sfidës, që në minutën e 8’ të sfidës. Në minutën e 41’-të të sfidës vjen dhe kundëpërgjigjja e “blaugranave” me brazilianin, Rafinja, i cili ndëshkon vendasit me një “eurogol”, mirëpo Muriqi u kthye sërish në protagonist, me spanjollin, Abdon Prats, i cili çon në rrjetë një pasim të kosovarit.
Me fillimin e pjesës së dytë “katalanasit” u hodhën në sulm, në gjetje të golit të barazimit, gol të cilin e gjeti në minutën e 75’-të falë talentit 20-vjeçar të mesfushës, Fermin Lopez, për të “vulosur” rezultatin 2 me 2.
https://ok.ru/video/6523897711304?fromTime=2
