Janë alarmante të dhënat e Institutit të Shëndetit Publik për personat e vdekur nga kanceri. Vitin e kaluar, 356 gra vdiqën nga kanceri i gjirit, që është pothuajse mesatarisht një grua në ditë.
Në vitin 2010, 310 gra vdiqën nga neoplazia malinje e gjirit, ndërsa në vitet e mëvonshme mesatarja është rreth 280 gra në vit. Numri i vdekjeve u rrit në vitin 2016 – 338 vdekje, dhe vitin e kaluar ishte kulmi – 356 gra humbën betejën me kancerin e gjirit, raporton Meta.
Në të njëjtën kohë, në vend është e pamundur të caktohet termin për mamografi dhe eko të gjirit në shëndetin publik. Sistemi termini im tregon se në tre muajt e ardhshëm nuk ka asnjë termin të vetëm për gratë që të bëjnë ekzaminime rutinë parandaluese. Muaji tetor është muaji i rritjes së ndërgjegjësimit për parandalimin e kancerit të gjirit, me qëllim stimulimin e grave që të kryejnë kontrolle të rregullta, por kjo në mënyrë sistematike rezulton e pamundur.
