Kroacia do të jetë vendi i parë në të cilin kryeministri Hristijan Mickoski do të shkojë për vizitë zyrtare. Shefi i diplomacisë, Timço Mucunski, informoi se gjatë vizitës do të nënshkruhen marrëveshje dhe programe bashkëpunimi në fushën e shëndetësisë dhe arsimit ndërmjet dy vendeve. Mucunski tashmë ndodhet në Zagreb, ku foli në Konferencën Vjetore të Ambasadorëve Kroatë. Ai theksoi se procesi i zgjerimit të BE-së duhet të zhvillohet në bazë të kritereve dhe standardeve objektive, dhe në ndërkohë Maqedonia do të vazhdojë të ndërtojë marrëdhënie të mira me fqinjët e saj në të gjitha fushat.
“Kroacia mbetet partneri ynë kryesor. Kroacia mbetet një nga ata partnerë në Bashkimin Europian, që mbështet qasjen parimore të zgjerimit të Bashkimit Europian, bazuar në kritere, në standarde më të larta, dhe do të thosha se marrëdhëniet e shkëlqyera dhe takimet e këtij lloji do të vazhdojnë me dinamikë të shtuar në e ardhmja”, tha Timço Mucunski, ministër për Punë të Jashtme.
