Pas shumë kohësh pritje, Roko Vata më në fund ka marrë një ftesë nga FSHF për të veshur fanellën kuqezi. Djaloshi i talentuar i cili ka përfaqësuar deri tani Irlandën në arenën ndërkombëtar, ka marrë një ftesë për t’u bërë pjesë e ekipit Shpresa të Alban Bushit.
Vata në fakt ka luajtur me Shpresat e Irlandës dhe gjatë ditës së fundit ka qarkulluar lajmi se ai ka marrë ftesë nga ekipi A i Irlandës për ndeshjet e Ligës së Kombeve ndaj Bullgarisë që kjo përfaqësuese luan në muajin mars.
Por paralelisht, gjatë këtyre ditëve, në adresë të tij dhe në klubin e Uotford në Angli ka mbërritur edhe ftesa për grumbullimin e djalit të ish-kapitenit kuqezi, Rudi Vata, për miqësoret që do të luajnë Shpresat e Shqiëprisë ndaj Greqisë më 21 mars dhe Luksemburgut më 25 mars. Kjo do të ishte mundësia e parë që i jepet 19-vjeccarit të talentuar që të tregojë vlerat e tij me fanellën kuqezi.
