VLEN: Amerika nuk i rrit tarifat pa arsye, kjo është pasojë e personave nongrata

Pas vendosjes së tarifave në masën 33 për qind nga presidenti amerikan Donald Tramp, koalicioni VLEN reagon duke theksuar se arsyeja kryesore se pse vendi po përballet me tarifa më të larta nga SHBA-të nuk ka të bëjë vetëm me faktorë ekonomikë, por mbi të gjitha me prishjen e imazhit të shtetit në arenën ndërkombëtare. “Kjo prishje e imazhit është rezultat i drejtpërdrejtë i keqqeverisjes dhe skandaleve të ish pushtetit, duke përfshirë edhe funksionarët e BDI-së, të cilët sot ndodhen në listën e zezë amerikane, që nuk janë të vetëm bashkë me ta janë edhe keqpërdërues nga kampi maqedonas. Këta faqezinjë që sot janë bashkë në listën e zezë amerikane i ka bashkuar korrupsioni në bashkëpunimin për shkatërrimin e vendit”, reagon VLEN. Sipas këtij koalicioni Amerika nuk i rrit tarifat pa arsye. Vlerëson se mesazhi i Uashingtonit është i qartë: korrupsioni dhe keqpërdorimi i pushtetit nuk mund të tolerohen më.