Grupi parlamentar i VMRO-DPMNE-së sot ka pasur një takim me deputetët e Aleancës për Shqiptarët për të diskutuar për ndryshimet në Kodin Zgjedhor.
Në takim, siç thonë nga VMRO-DPMNE, Aleanca për Shqiptarët doli me qëndrim që ndryshimet të futen në procedurë parlamentare.
“Sot po e përfundojmë serinë e takimeve me grupet më të vogla parlamentare në Kuvendin e Republikës së Maqedonisë dhe sapo ka përfunduar takimi me koordinatorët e grupit parlamentar të Aleancës për Shqiptarët, me të cilët sigurisht kemi biseduar për çështjen e Kodi Zgjedhor. Nga ky takim mund t’ju informoj se, Aleanca për Shqiptarët pajtohet që më në fund të hyjë në procedurë Kodi Zgjedhor”, tha deputetja Dafina Stojanovska nga VMRO-DPMNE, përcjell INA.
Të gjitha, thotë ajo, janë për një debat publik në Kuvend lidhur me këtë çështje, ku do të shqyrtohen të gjitha qëndrimet dhe kërkesat individuale nëse listat duhet të jenë të hapura, për pragun etj.
Nga kjo parti kërkojnë që më në fund të hyjë në procedurë ky projektligj dhe për këtë i bëjmë thirrje presidentit Talat Xhaferi. (INA)
