VMRO-DPMNE në Kuvend e dorëzoi deklaratën për mbrojtjen e figurës dhe veprës së revolucionarit maqedonas Goce Dellçev. Sekretari i përgjithshëm i partisë, njëkohësisht edhe deputet, Gjorgija Sajkovski tha se brenda Deklaratës janë përshkruar përpjekjet për bashkim të faktorëve politikë në Kuvend me çka duhet të demonstrohet unitet për prirësin maqedonas në lidhje me çlirimin e Maqedonisë dhe idesë për pavarësinë e saj.
“Duke e konstatuar rëndësinë e madhe të figurës dhe veprës së të birit të madh maqedonas Gjorgi Dellçev në realizimin e qëllimeve të epopesë kombëtare për liri dhe pavarësi, ne deputetët në Kuvend me këtë Deklaratë e afirmojmë trashëgimin, rolin dhe rëndësinë e kësaj figure qendrore të historisë maqedonase“, tha Gjorgija Sajkovski, VMRO-DPMNE.
