VMRO DPMNE nesër në Kuvend do të dorëzoj propozimin për shfuqizimin e Qeverisë teknike 100 ditë para zgjedhjeve, një praktikë e vendosur në bisedimet e Përzhinos.
Kjo praktikë që zbatohet nga viti 2016 nënkupton dorëheqjen e kryeministrit 100 ditë para zgjedhjeve dhe përfshirjen e opozitës në Qeverinë teknike me Ministrin e Brendshëm dhe Ministrin e Punës dhe Politikës Sociale.
Opozita thotë se këto ndryshime do të propozohen me qëllim që të shkurtohen afatet për zgjedhje të parakohshme parlamentare dhe ato të mbahen 45 deri 60 ditë pas shpalljes, dhe jo më të pritet 100 ditë sikur që ishte praktikë me Qeverinë teknike.
VMRO-DPMNE përsëriti kërkesën për zgjedhje sa më të shpejta parlamentare.
Nga LSDM kanë theksuar se nuk janë të interesuar për zgjedhje dhe se qeverisja aktuale do ta vijoj mandatin e saj deri në vitin 2024. (INA)
