VMRO-DPMNE ka reaguar lidhur me shtrenjtimin e çmimeve të derivateve të naftës.
“Dizeli për vetëm dy ditë u rrit për 18,5 denarë, ndërsa benzina për 11 denarë. Ky urim i Kovaçevskit për popullin është grabitje. Rritja e çmimit të benzinës është shprehje e paaftësisë së qeverisë për të menaxhuar krizën”, thuhet në deklaratën e VMRO-DPMNE-së.
Më tej theksohet se qeverisja aktuale nuk bën asgjë për të mbrojtur standardin e qytetarëve.
“Ata vetë e pranuan se e dinin 4 muaj më parë për shpërthimin e luftës dhe nuk bënë asgjë për të mbrojtur standardin e qytetarëve. Ndërsa kjo po ndodh, shpenzimet joproduktive të qeverisë vazhdojnë”, thuhet në një deklaratë të kësaj partie. (INA)
