VMRO-DPMNE përmes një komunikate ka komentuar anketat e fundit të lansuara në media lidhur me rejtingun e partive politike.
“VMRO-DPMNE me epërsi të dyfishtë ndaj LSDM-së, Mickoski me epërsi të trefishtë ndaj Kovaçevskit. Nëse LSDM ka dyshime, ejani në zgjedhje, populli do t’u japë sondazhin më të saktë. Në të gjitha matjet e opinionit publik, LSDM po humbet në mënyrë katastrofike nga VMRO-DPMNE. Të njëjtën gjë tregon edhe sondazhi i fundit i bërë nga IPIS, në të cilin VMRO-DPMNE me 20% besim te qytetarët është pothuajse dy herë para SDS me 12.9% besim”, thotë VMRO-DPMNE.
Sipas kësaj partie, rejtingu që gëzon VMRO-DPMNE tek qytetarët është më i lartë se ai i përbashkët i LSDM-së dhe BDI-së.
“Nëse LSDM-ja dhe BDI-ja kanë pak dyshime për sondazhet, edhe pse thellë e dinë se po bëjnë edhe më keq në terren, atëherë le të shkojmë në zgjedhje, ato janë sondazhi më i saktë. Është evidente se populli kërkon ndryshime”, thekson kjo parti.(INA)
