Nga VMRO-DPMNE përmes një njoftimi kërkojnë përgjegjësi për gjykatësin Pajazit Pajaziti për shkak se, siç thonë ata, ka lëshuar Blerim Ramadanin të arratiset.
Sipas tyre, për shkak të gjykatësve të LSDM-së dhe BDI-së, populli ka vetëm 2% besim në institucionet gjyqësore.
“Deri sa gjykatësit e LSDM-së dhe BDI-së janë në gjyqësi, nuk do të ketë drejtësi. Nevojiten ndryshime të menjëhershme. Duhet të shpërbëhet Këshilli i Prokurorëve Publikë dhe Këshilli Gjyqësor. Ixhet Memeti ishte zëvendëskryetar i Këshillit të Prokurorëve Publikë dhe pranoi se ka marrë ryshfet, njëjtë sikur Naqe Georgiev, gjykatës në Gjykatën e Lartë dhe anëtar i Këshillit Gjyqësor”, thonë nga partia.
Ata shtojnë se këto dy gjyqtarë janë të LSDM-së dhe BDI-së dhe këta gjyqtarë po e shkatërrojnë systemin gjyqësor.
“Duhet të ketë shpërbërje të Këshillit Gjyqësor dhe Këshillit të Prokurorëve Publikë. Duhet të mbahet përgjegjësi”, thonë nga kjo parti.
