“Platforma e Tiranës e ndan popullin, nuk e bashkon, le të thotë Kovaçevski se çfarë detyrash ka marrë nga Ahmeti. Kovaçevski të thotë nëse dhe cilat lëshime kombëtare duhet të bëjë apo janë këto interesa biznesi?”, ka vazhduar VMRO-DPMNE në këtë pikë edhe pas disa ditëve të darkës së liderëve shqiptarë të RMV-së me kryeministrin shqiptar Edi Rama në Tiranë.
Sipas opozitares maqedonase, Kovaçevski dhe Ahmeti nuk punojnë për të mirë, as për shqiptarët në Maqedoni, as për maqedonasit, ata punojnë vetëm për interesin e tyre personal me krimin dhe korrupsionin.
“Kovaçevski është shprehur pozitiv për takimin në Tiranë sepse është me kërkesë të tij dhe për shpëtimin e tij, prandaj ka heshtur dhe më pas ka komentuar me kënaqësi. Kovaçevski dhe SDS të thonë se cilat janë detyrat që kanë marrë dhe sa do t’i kushtojë Maqedonisë? Kovaçevski dhe SDS punojnë vetëm për interes personal, jo për qytetarët, prandaj duhen zgjedhje dhe një qeveri e re që vërtetë do të funksionojë për të mirën e të gjithë qytetarëve dhe shtetit”, reagon VMRO-DPMNE.(INA)
