VMRO-DPMNE sot ka dalur me një reagim lidhur me formimin e Qeverisë së re nga ana e mandatarit Dimitar Kovaçevskit.
Sipas partisë më të madhe opozitare, Qeverinë e Kovaçevskit e ka formuar Zaev, ndërsa do ta menaxhojë BDI-ja, me mbështetjen e LDP-së, DOM-it dhe Lidhjes Demokrate të Pavle Trajanov, përcjell INA.
“Pengu i Zaevit, Kovaçevski pranoi pa kushte qeverinë e formuar nga Zaev, ku ministër është Oliver Spasovski, për shkak të të cilit jemi në krye të listave për krim dhe korrupsion, Ljupço Nikollovskit, arritja më e madhe e të cilit ishte sekuestrimi i një kutie kartoni me gjalpë të skaduar. Slavjanka Petrovska, zëvendësja e Spasovskit, Bllagoj Boçvarski, për të cilin askush nuk e di se cilin departament e udhëheq dhe Fatmir Bytyqit, i cili bashkë me Kovaçevskin janë ndër fajtorët më të mëdhenj për krizën energjetike”, thekson VMRO-DPMNE.
Sipas kësaj partie, kjo qeveri është e përbërë nga të gjithë njerëzit e Zaevit, për të mbrojtur krimin e tij. “Kjo qeveri do të udhëhiqet nga BDI dhe mafia, ndërsa atë do ta mbështesin LDP-ja, DOM-i dhe LD-ja për disa pozita drejtorësh.
“LDP, DOM dhe LD, çdo ditë që kalojnë në qeverinë e Kovaçevskit, sponsorizojnë krimin dhe mafien”, nënvizon VMRO-DPMNE.(INA)