“Është i lexuar skenari i BDI-së, dhe me protesta duan të mbrojnë zyrtarët që duhet të mbajnë përgjegjësi për krimin dhe korrupsionin”, theksuan sot nga VMRO-DPMNE përmes një komunikate për media.
Më tej theksohet se BDI-ja e di se duhet të japë përgjigje për të gjithë tenderat me hije, për shortin, për nënkontraktorët e rrugëve, për Soravinë, për borxhin e fshirë të djalit të Musa Xhaferit.
“BDI-ja është e vetëdijshme se do të ketë përgjegjësi dhe protestat dhe tentativat për destabilizimin janë bazë që të mund t’i nxjerrin anëtarët në rrugë kur zyrtarët e tyre të korruptuar do të duhet të përgjigjen para institucioneve. Nëse BDI dhe LSDM do të ishin të ndershëm, nuk do ta ndryshonin Kodin Penal përballë ndryshimit të pushtetit dhe do të amnistonin veten për një numër të madh krimesh. Është e qartë se si BDI ashtu edhe LSDM janë të vetëdijshëm për atë që kanë bërë, kështu që të vetmen mundësi shpëtimi e shohin në presionin politik dhe tezat e sajuara për aranzhim politik.
Përpjekjet e tyre janë të kota. Janë lexuar. Do të ketë përgjegjësi”, thuhet në njoftimin e partisë në pushtet.(INA)
